పోట్లూరులో ముగ్గుల పోటీలు - ఉత్సాహంగా పాల్గొన్న మహిళలు
బహుమతులు అందజేసిన పూసపాటి వెంకటేశ్వరరాజు
Amaravathi Jyothi - Andhra Pradesh / Prakasam : గుడ్లూరు: మండలంలోని పోట్లూరు గ్రామంలో సంక్రాంతి సంబరాలు వైభవంగా జరిగాయి. ఈ సందర్భంగా నిర్వహించిన ముగ్గుల పోటీలు ప్రజలను విశేషంగా ఆకట్టుకున్నాయి. ఇన్ఫినిటీ డెవలపర్స్ ఎండి పూసపాటి వెంకటేశ్వరరాజు ఆధ్వర్యంలో నిర్వహించిన ఈ ముగ్గుల పోటీల్లో మహిళలు ఉత్సాహంగా పాల్గొని ముగ్గులు వేశారు. పూసపాటి వెంకటేశ్వరరాజు, గృహ నిర్మాణ శాఖ డి ఈ నారాయణరెడ్డి,ముఖ్య అతిథులుగా హాజరై ప్రజలతో కలిసి ఉత్సవాల్లో పాలుపంచుకున్నారు. పండుగ సంబరాల్లో భాగంగా పోట్లూరులో ముగ్గుల పోటీలు నిర్వహించగా మహిళలు ఉత్సాహంగా పాల్గొని రంగవల్లులు తీర్చిదిద్దారు. పూసపాటి వెంకటేశ్వర రాజు, కంపరాజు రామరాజు, చిరువెళ్ల రోసిరాజు, పూసపాటి చందు వర్మ పాల్గొని ప్రతి ముగ్గును పరిశీలించి, మహిళలను పేరుపేరునా పలకరిస్తూ అభినందించారు. వారందరికీ పండుగ శుభాకాంక్షలు తెలియజేశారు. భారీ స్థాయిలో ముగ్గుల పోటీలు జరగడంతో పోట్లూరు గ్రామం కళకళలాడింది. ముగ్గుల పోటీలలో గెలుపొందిన విజేతలకు బహుమతులు అందజేశారు. మొదటి బహుమతిగా బి వెంకటేశ్వరమ్మ కు 5116 రూపాయలు నగదు బహుమతి, రెండవ బహుమతిగా చిరువెళ్ళ పార్వతికి మిక్సర్, మూడవ బహుమతిగా కర్పూరపు పావనికి రైస్ కుక్కర్, నాలుగవ బహుమతిగా చిరువెళ్ళ అంజమ్మకు ఐరన్ బాక్స్, ఐదవ బహుమతిగా అడవిరాజు పూజిత కు 516 రూపాయలు నగదు బహుమతి అందజేశారు. వీరితోపాటు ముగ్గుల పోటీలో పాల్గొన్న ప్రతి ఒక్కరికి కన్సోలేషన్ బహుమతులు అందజేశారు.ఈ సందర్భంగా ఏర్పాటు చేసిన కార్యక్రమంలో గృహ నిర్మాణ శాఖ డి ఈ నారాయణరెడ్డి మాట్లాడుతూ పూసపాటి వెంకటేశ్వరరాజు చేస్తున్న కార్యక్రమాలను కొనియాడారు. ఈ కార్యక్రమంలో వలేటివారిపాలెం గృహ నిర్మాణ శాఖ ఏఈ నాగరాజు, పోట్లూరు గ్రామ యువత, మహిళలు భారీ సంఖ్యలో పాల్గొన్నారు..
Admin
Amaravathi Jyothi
మరిన్ని వార్తలు
Developed By :
