రాష్ట్ర ఉత్తమ ఉపాధ్యాయ అవార్డును అందుకున్న జి. ఈశ్వరమ్మ
Amaravathi Jyothi - Andhra Pradesh / SPSNellore : కందుకూరు: ఉపాధ్యాయురాలు జి. ఈశ్వరమ్మ సేవలకు రాష్ట్ర ప్రభుత్వం రాష్ట్ర ఉత్తమ ఉపాధ్యాయురాలుగా ఎంపిక చేసింది. ఈ మేరకు శుక్రవారం రాత్రి విజయవాడలోని ఏ వన్ కన్వెన్షన్ హాలులో జరిగిన ఉపాధ్యాయ దినోత్సవం వేడుకల్లో రాష్ట్ర ముఖ్యమంత్రి నారా చంద్రబాబు నాయుడు , విద్యాశాఖ మంత్రి నారా లోకేష్ బాబు చేతుల మీదుగా రాష్ట్ర ఉత్తమ ఉపాధ్యాయ అవార్డును అందుకున్నారు. పీసీపల్లి జిల్లా పరిషత్ ఉన్నత పాఠశాలలో సాంఘిక శాస్త్ర ఉపాధ్యాయురాలుగా జి ఈశ్వరమ్మ పనిచేస్తున్నారు. ప్రకాశం జిల్లా నుంచి ఎంపికైన నలుగురి లో ఆమె ఒకరు. ఈ అవార్డు ఆమె సుమారు 30 ఏళ్ల ఉపాధ్యాయ వృత్తి కి చేసిన సేవల తో పాటు విద్యార్థి లోకానికి అందించిన సేవల కృషి ఫలితం. ఓ సాధారణ మధ్య తరగతి కుటుంబంలో జన్మించిన పల్లెటూరు పంతులమ్మ, ఉపాధ్యాయిని గా, కవిత మూర్తిగా, విద్యార్థి లోకానికి అక్షరాలు దిదించే అయ్యావారమ్మ.. ఖాళీ సమయం లో తన రచనలతో సమాజాన్ని తటి లేపే కవయిత్రి. ఈశ్వరీ భూషణం అనే కలం పేరు తో సాహిత్యంలో 2 వేల కవితలు రాశారు. ఆమె రాసిన మట్టి పాదం పుస్తకం అచ్చు వేశారు. అంతేకాక ఆంధ్రప్రదేశ్ ప్రభుత్వం తరుపున కథా వాచకం, బాలగేయాలు పుస్తకాలలో 30 గేయాలు, కవితలు ముద్రించడం జరిగింది. ఆమెకు రచన శైలి తన తాత గారి నుంచి పొందింది. ఆయన ఆ రోజుల్లో పాటలు, పద్యాలు సొంతంగా పడేవారు. ఇలా వారి నుంచి పొందిన కవిత భవనతో పాటు. ఉపాధ్యాయ వృత్తి లో కూడా ఎందరో పేద, మధ్య తరగతి సామాన్యులతో పాటు, గిరిజన పేద బిడ్డల జీవితాల్లో విద్య వెలుగులు నింపారు. 1996 డీఎస్సీలో ఉద్యోగం సాధించిన నాటి నుంచి ఆమె సేవలు ప్రారంభం అయ్యాయి. మొదట వలేటివారిపాలెం మండలం అంకభూపాలపురం ప్రాధమిక పాఠశాల సెకండరీ గ్రేడ్ టీచర్ గా ఈశ్వరమ్మ ఉపాధ్యాయ ప్రస్థానం ప్రారంభం అయ్యింది. అక్కడ నుంచి కందుకూరు తో పాటు చుట్టూ పక్కల గ్రామాల్లో పిల్లల కు విద్య బుద్దులు నేర్పించారు. అంతేకాక పేద పిల్లలకు ఏక రూప దుస్తులు, రాత పుస్తకాలు ఉచితంగా అందించేవారు. అందుకోసం తన సంపాదన లో కొంత కేటాయించేవారు. ఇలా చేస్తూనే వారిలో ప్రతిభ వంతులని గుర్తించి. వారికి నవోదయ, ఏ. పి. రెసిడెన్సియల్, పాఠశాల ప్రవేశ పరీక్ష లకు తర్ఫిదు ఇచ్చి. వారికి సీట్లు వచ్చేంత వరకు సాధన చేయించి.. ఎందరో జీవితాల్లో విద్యా వెలుగులు నింపారు. అంతేకాక స్వచ్చంద సేవా సంస్థల ద్వారా పాఠశాలకు, విద్యార్థుల కు అవసరమైన మౌలిక వసతులు సమాకూర్చారు. ఇలా ఆమె వంతుగా ఎంత చేయాలో అంత కంటే రెట్టింపుగా చేసిన కృషి ని గుర్తించి న రాష్ట్ర ప్రభుత్వం ఆమె సేవలకు మెచ్చి రాష్ట్ర ఉత్తమ ఉపాధ్యాయిని అవార్డుతో రాష్ట్ర ఉత్తమ ఉపాధ్యాయుని అవార్డుతో సత్కరించారు.ఈ సందర్బంగా ఈశ్వరమ్మ కుటుంబ సభ్యులు, తోటి ఉపాధ్యాయులు ప్రత్యేక అభినందనలు తెలియజేశారు.
Admin
Amaravathi Jyothi
మరిన్ని వార్తలు
Developed By :
