Amaravathi Jyothi - Andhra Pradesh / SPSNellore : * కందుకూరు:కందుకూరు పట్టణంలో ఆదివారం శ్రీదేవి భూదేవి సహిత శ్రీ జనార్ధన స్వామి ఆలయంలో హనుమాన్ గురుస్వామి హనుమద్ ప్రసాద్ గురు స్వామి ఆధ్వర్యంలో శ్రీ సువర్చల ఆంజనేయ స్వామి వారి కళ్యాణం భక్తిశ్రద్ధలతో జరిగింది. ఆలయ అర్చకులు కిషోర్ స్వామి శాస్త్రోక్తంగా కన్నుల పండుగ గా, ఎంతో వైభవంగా స్వామి వారి కళ్యాణం నిర్వహించారు. కీర్తిశేషులు కనమర్లపూడి సుబ్బారావు ధర్మపత్ని వరలక్ష్మి వారి కుమారుడు రవిశంకర్ దంపతులు ఉభయ దాతలుగా వ్యవహరించారు. అంతకుముందు ఆలయంలో ఉన్న వాలాగ్రా హనుమాన్ కి హనుమాన్ దీక్షాపరులు సామూహికంగా అభిషేకం, ప్రత్యేక పూజలు నిర్వహించారు. ఆలయ ప్రాంగణం రామనామ స్మరణతో మార్మోగింది. అనంతరం కార్యక్రమానికి విచ్చేసిన భక్తులకు అన్న ప్రసాద వినియోగం జరిగింది. ఈ కార్యక్రమంలో గురుస్వాములు హనుమంతరావు, కొత్తపల్లి సురేష్, పెద్దారావు, గడిపూడి ప్రసాద్, చక్కా వెంకట కేశవరావు, మాధవరావు, హనుమాన్ దీక్షపరులు పాల్గొన్నారు.
Admin
Amaravathi Jyothi