ఎమ్మెల్యే (వైసిపి) పదవికి ఆళ్ల రామకృష్ణారెడ్డి రాజీనామా
Amaravathi Jyothi - Andhra Pradesh / గుంటూరు : ఎమ్మెల్యే (వై సి పి) పదవికి ఆళ్ళ రామకృష్ణారెడ్డి రాజీనామా.. మంగళగిరి,అమరావతి జ్యోతి: మంగళగిరి ఎమ్మెల్యే ఆళ్ళ రామకృష్ణారెడ్డి తన ఎమ్మెల్యే పదవికి రాజీనామా చేశారు. ఈ మేరకు రాజీనామా లేఖను ఆళ్ల అసెంబ్లీ స్పీకర్ కార్యాలయంలో కార్యాలయ కార్యదర్శికి అందించారు. అదేవిధంగా ఆళ్ల వైసీపీ పార్టీ పదవికి కూడా రాజీనామా చేశారు. గత కొంతకాలంగా ఆళ్ళ రామకృష్ణ వైసీపీ పార్టీతో అంటి ముట్టనట్టుగా వ్యవహరిస్తున్నారు. అది కాక మంగళగిరి నియోజకవర్గం వైసీపీ టికెట్ బీసీ నేతలకు ఇస్తారని ప్రచారం జోరుగా సాగడంతో వైసిపికి రాజీనామా చేశారు. తెలుగుదేశం నుంచి వైసీపీలో చైర్మన్ గంజి చిరంజీవికి వైసిపి ఎమ్మెల్యే టికెట్ ఇస్తారని పార్టీలో జోరుగా ప్రచారం జరుగుతుంది. ఇదే క్రమంలో పార్టీలో తనకు తగ్గిన ప్రాధాన్యత పట్ల కినుక వహించిన ఆళ్ళ రామకృష్ణారెడ్డి అధికార వైసిపి పార్టీకి రాజీనామా చేశారు. తెలంగాణలో కాంగ్రెస్ పార్టీ అధికారం చేపట్టడంతో ఆర్కే కాంగ్రెస్ పార్టీలో చేరే ఆలోచనలో ఉన్నట్టు సమాచారం.
Admin
Amaravathi Jyothi
మరిన్ని వార్తలు
Developed By :
