Amaravathi Jyothi - Andhra Pradesh / SPSNellore : కందుకూరు:మహాకవి, నవయుగ కవి చక్రవర్తి, కవి కోకిల,పద్మ విభూషణ్,కేంద్ర సాహిత్య అవార్డు గ్రహీత, శాసనమండలి సభ్యులు విశ్వ నరుడు గుర్రం. జాషువా 130వ జయంతి సభ వైయస్సార్ కాంగ్రెస్ పార్టీ కార్యాలయంలో ఘనంగా జరిగినది. పట్టణ అధ్యక్షులు షేక్ రఫీ అధ్యక్షత వహించగా పలువురు వక్తలు జాషువా సాహిత్య సేవలను కొనియాడారు. సమాజంలోని అసమానతలు, వివక్షతలు,దోపిడీ, దౌర్జన్యాలకు వ్యతిరేకంగా సామాజిక దృక్పథంతో రచనలు కొనసాగించిన కవి యోధుడు జాషువా అని వక్తలు అభిప్రాయపడ్డారు. రాజు మరణించి ఒక తార నేలరాలే, సుకవి మరణించే ఒక తార గగనమెక్కే అని సమాజంలో కవి గౌరవాన్ని పెంచినవాడు. సమాజంలో అట్టడుగు అణగారిన వర్గ దళితున్ని కథానాయకునిగా తీసుకొని గబ్బిలం కావ్యం ద్వారా సందేశం ఇచ్చిన కవి, ప్రజల నాలుకలపై నర్తించే విధంగా సత్య హరిచంద్రలోని కాటిసీను పద్యాలన వీనులవిందుగా రచించారు. స్మశానంలో రాజు,బంటు పేద, గొప్ప అనే బేదభావం ఉండదని ఇచ్చట అస్పృశ్యతకు తావే లేదని స్మశానాన్ని వర్ణించిన కవి కోకిల గుర్రం జాషువా. కుల కట్టుబాటులను మతం ఆంక్షలను వ్యతిరేకించి ప్రేమ వివాహం చేసుకున్న యాదవ తండ్రి మాదిగ తల్లి మానవత్వాన్ని పునికి పుచ్చుకున్నవాడు జాషువా. సమాజ హితవు కోసం మహాకవి,విశ్వరుడు గుర్రం జాషువా సాహిత్యాన్ని నేటి తరానికి అందించాల్సిన ఆవశ్యకత ఉందని, సామాజిక స్పృహలో స్ఫూర్తిని అందించాలని అభిప్రాయపడ్డారు. ముందుగా కవి కోకిల,నవయుగ కవి చక్రవర్తి గుర్రం జాషువా చిత్రపటానికి పూలమాలలు వేసి ఘనంగా నివాళులర్పించారు ఈ కార్యక్రమంలో జిల్లా జనరల్ సెక్రెటరీ తోకల కొండయ్య, రాష్ట్ర బూతు కమిటీ కార్యదర్శి గణేశం గంగిరెడ్డి, జాషువా సాహిత్య సాంస్కృతిక సంస్థ అధ్యక్షులు ముప్పవరపు కిషోర్, కందుకూరు మండల అధ్యక్షులు ఈదర రమేష్, ఉలవపాడు మండల అధ్యక్షులు నన్నం పోతురాజు, రైతు విభాగం నియోజకవర్గ అధ్యక్షులు నల్లమోతు చంద్రమౌళి, జిల్లా సెక్రెటరీ చీమల రాజా, జిల్లా ఆర్గనైజింగ్ కార్యదర్శి పాశం కొండయ్య, రాష్ట్ర ప్రచార కార్యదర్శి వల్లూరీ కోటేశ్వరరావు, జాషువా సాహిత్య సాంస్కృతిక సంస్థ కార్యదర్శి చనమాల కోటేశ్వరరావు, జిల్లా మున్సిపల్ సెక్రెటరీ నగళ్ల నారయ్య, ఎస్సీ సెల్ జిల్లా సెక్రెటరీ గేరా మనోహర్, ఎస్సీ సెల్ నియోజకవర్గ అధ్యక్షులు దగ్గుమాటి కోటయ్య, జిల్లా నాయకులు కూరపాటి వెంకట్రామిరెడ్డి, పట్టణ ఉపాధ్యక్షులు యడ్ల మాధవరెడ్డి, పట్టణ సీనియర్ నాయకులు చింతలపూడి సురేష్ బాబు, క్రిస్టియన్ మైనార్టీ సెల్లు నియోజకవర్గ అధ్యక్షులు ఉచ్చులూరి రవీంద్ర, డాక్టర్స్ వింగ్ అధ్యక్షులు చింతలపూడి సుధాకర్, మైనారిటీ అధ్యక్షులు షేక్ రహీం, కన్వీనర్ కానాల ప్రసాద్, నియోజకవర్గ మహిళా అధ్యక్షురాలు తుల్లూరి ఆదిలక్ష్మి, అంగనవాడి నియోజకవర్గ అధ్యక్షురాలు దేవరకొండ ఆదిలక్ష్మి, పట్టణ అధ్యక్షురాలు వసంత లక్ష్మి, పట్టణ కార్యదర్శి షేక్ బికారి, సీనియర్ నాయకులు షేక్ దస్తగిరి భాష, సోషల్ మీడియా జిల్లా ఉపాధ్యక్షులు దొడ్డం రెడ్డి మదన్మోహన్ రెడ్డి, కన్వీనర్ కరేటి సుబ్బారావు తదితరులు పాల్గొన్నారు.
Admin
Amaravathi Jyothi