108 హనుమాన్ చాలీసా లో పాల్గొన్న ఎమ్మెల్యే ఇంటూరి నాగేశ్వరరావు
హనుమాన్ మాలధారణ స్వాములు ఏర్పాటు చేసిన హనుమత్ చాలీసా కార్యక్రమంలో పాల్గొనడం అదృష్టంగా భావిస్తున్నాను
Amaravathi Jyothi - Andhra Pradesh / SPSNellore : కందుకూరు పట్టణంలోని స్కందపురి శ్రీ జనార్ధన స్వామి ఆలయంలో శ్రీ ప్రసన్నాంజనేయ స్వామి ఆలయం వద్ద హనుమాన్ గురుస్వామి దుడ్డు హనుమద్ ప్రసాద్ ఆధ్వర్యంలో నిర్వహిస్తున్న 108 హనుమాన్ చాలీసా పారాయణ కార్యక్రమంలో శాసనసభ్యులు ఇంటూరి నాగేశ్వరరావు పాల్గొని ప్రత్యేక పూజలు నిర్వహించారు. గురుస్వామి హనుమద్ ప్రసాద్ స్వామి ఎమ్మెల్యే కి స్వామివారి సింధూరం, అభిషేక గంధం, అభిషేక జలాలతో స్వామివారి ఆశీస్సులు అందజేశారు. ఆలయ అర్చకులు ఎమ్మెల్యేకి తీర్థ ప్రసాదాలు స్వామివారి శేష వస్త్రాన్ని అందజేశారు. ఈ సందర్భంగా ఎమ్మెల్యే మాట్లాడుతూ హనుమాన్ మాలధారణ స్వాములు ఏర్పాటు చేసిన హనుమత్ చాలీసా కార్యక్రమంలో పాల్గొనడం తన అదృష్టంగా భావిస్తున్నానని అన్నారు. శ్రీరామ భక్త హనుమాన్ ఆశీస్సులు కందుకూరు నియోజకవర్గ ప్రజలకు ఉండాలని ఆయన ఆకాంక్షించారు. అనంతరం శ్రీ జనార్దన స్వామిని శ్రీ వెంకటేశ్వర స్వామిని దర్శించుకున్నారు. ఈ కార్యక్రమంలో మాలధారణ స్వాములు హనుమంతరావు స్వామి, గురు స్వామి గుడి ప్రసాద్ స్వామి, మురారిశెట్టి సుధీర్, చక్కా వెంకట కేశవరావు తదితర స్వాములు పాల్గొన్నారు.
Admin
Amaravathi Jyothi
మరిన్ని వార్తలు
Developed By :
