2026 ఏప్రిల్ నాటికి రామాయపట్నం పోర్టు పనులు పూర్తి : ప్రత్యేక ప్రధాన కార్యదర్శి ఎం టి కృష్ణబాబు
Amaravathi Jyothi - Andhra Pradesh / SPSNellore : గుడ్లూరు: రామాయపట్నం పోర్టు పనులు 2026 ఏప్రిల్ నాటికి పూర్తవుతాయని ప్రత్యేక ప్రధాన కార్యదర్శి కృష్ణబాబు తెలిపారు. శనివారం పోర్టును ఆయన స్వయంగా పరిశీలించి మీడియాతో మాట్లాడారు. ఈ ప్రాజెక్టు దేశస్థాయి ప్రాధాన్యతను సంతరిస్తుందని పేర్కొన్నారు.ఇప్పటివరకు రూ.4,900 కోట్ల వ్యయంతో చేపట్టిన ఈ ప్రాజెక్టులో రూ.2,002 కోట్లతో 71 శాతం పనులు పూర్తయ్యాయని వివరించారు. మిగిలిన పనులను వచ్చే ఏడాది ఏప్రిల్ నెలాఖరులోగా పూర్తి చేసి, పారదర్శకంగా వినియోగంలోకి తీసుకురావడమే తమ లక్ష్యమని స్పష్టం చేశారు. ఈ క్రమంలో సిబ్బంది నియామకాలు పబ్లిక్-ప్రైవేట్ పార్టనర్షిప్ (PPP) మోడ్ లో చేపడతామని తెలిపారు. దీని వల్ల పెట్టుబడుల సమీకరణ సులభతరం కావాడమే కాకుండా, పనుల వేగం పెరుగుతుందని అన్నారు. పోర్టు అభివృద్ధి ప్రక్రియలో ఆడిట్ నియంత్రణలు, పర్యవేక్షణ, భద్రతా ప్రమాణాలను కచ్చితంగా పాటించేలా చర్యలు తీసుకుంటామని సమాధానమిచ్చారు.పోర్టు పూర్తిస్థాయి అభివృద్ధి చెందిన తర్వాత రైల్వే కనెక్టివిటీ పెరగడం, వాటర్వేస్ మౌలిక వసతులు మెరుగుపడడం, సరుకు రవాణా సామర్థ్యం గణనీయంగా పెరగడం, అలాగే చానల్-కారిడార్ సదుపాయాలు సమకూరడం వల్ల గణనీయమైన మార్పులు చోటుచేసుకుంటాయని ఆయన వివరించారు. దీని ఫలితంగా దేశవ్యాప్తంగా ఆర్థిక వృద్ధి బలపడటమే కాకుండా, ముఖ్యంగా ఈ ప్రాంత వాణిజ్య, పారిశ్రామిక వ్యవస్థల్లో కొత్త ఉత్సాహం రానుందని పేర్కొన్నారు.ప్రస్తుత ఆర్థిక సంవత్సరానికి సంబంధించిన పనుల ప్రగతిపై సమీక్షలు జరిపి, ముందున్న దశలను చర్చించి అమలుచేసేందుకు యోచిస్తున్నామని, అలాగే స్థానిక ప్రజా సంస్థలతో ప్రత్యక్ష చర్చలు నిర్వహించి అభిప్రాయాలను తీసుకుంటామని కృష్ణబాబు తెలిపారు. ప్రభుత్వ వనరులు పారదర్శకంగా వినియోగించబడేలా, అన్ని ఫార్మాట్లలో సమీక్షను కొనసాగిస్తూ ఈ ప్రాజెక్టును సమయానికి పూర్తిచేయడం తమ ప్రధాన కర్తవ్యమని ఆయన పునరుద్ఘాటించారు. కందుకూరు సబ్ కలెక్టర్ హిమవంశి, గుడ్లూరు తహసిల్దార్ విజయభాస్కర్ తదితరులు పాల్గొన్నారు.
Admin
Amaravathi Jyothi
మరిన్ని వార్తలు
Developed By :
